1தெசலோனிக்கேயர் 5

5:1 சகோதரரே இவைகள் நடக்குங்காலங்களையும் சமயங்களையுங்குறித்து உங்களுக்கு எழுதவேண்டுவதில்லை.

5:2 இரவிலே திருடன் வருகிறவிதமாய்க் கர்த்தருடைய நாள் வருமென்று நீங்களே நன்றாய் அறிந்திருக்கிறீர்கள்.

5:3 சமாதானமும் சவுக்கியமும் உண்டென்று அவர்கள் சொல்லும்போது, கர்ப்பவதியானவளுக்கு வேதனை வருகிறதுபோல, அழிவு சடிதியாய் அவர்கள்மேல் வரும்; அவர்கள் தப்பிப்போவதில்லை.

5:4 சகோதரரே, அந்த நாள் திருடனைப்போல உங்களைப் பிடித்துக்கொள்ளத்தக்கதாக நீங்கள் அந்தகாரத்திலிருக்கிறவர்களல்லவே.

5:5 நீங்களெல்லாரும் வெளிச்சத்தின் பிள்ளைகளும், பகலின் பிள்ளைகளுமாயிருக்கிறீர்கள்; நாம் இயேசுவுக்கும் இருளுக்கும் உள்ளானவர்களல்லவே.

5:6 ஆகையால், மற்றவர்கள் தூங்குகிறதுபோல நாம் தூங்காமல், விழித்துக்கொண்டு தெளிந்தவர்களாயிருக்கக்கடவோம்.

5:7 தூங்குகிறவர்கள் இராத்திரியிலே தூங்குவார்கள்; வெறிகொள்ளுகிறவர்கள் இராத்திரியிலே வெறிகொள்ளுவார்கள்.

5:8 பகலுக்குரியவர்களாகிய நாமோ தெளிந்தவர்களாயிருந்து, விசுவாசம் அன்பு என்னும் மார்க்கவசத்தையும், இரட்சிப்பின் நம்பிக்கையென்னும் தலைச்சீராவையும் தரித்துக்கொண்டிருக்கக்கடவாம்.

5:9 தேவன் நம்மைக் கோபாக்கினைக்கென்று நியமிக்காமல், நம்முடைய கர்த்தராகிய இயேசுகிறிஸ்துமூலமாய் இரட்சிப்படைவதற்கென்று நியமித்தார்.

5:10 நாம் விழித்திருப்பவர்களானாலும் நித்திரையடைந்தவர்களானாலும், தம்முடனேகூட நாம் ஏகமாய்ப் பிழைத்திருக்கும்படி அவர் நமக்காக மரித்தாரே.

5:11 ஆகையால் நீங்கள் செய்துவருகிறபடியே, ஒருவரையொருவர் தேற்றி, ஒருவருக்கொருவர் பக்திவிருத்தி உண்டாகும்படி செய்யுங்கள்.

5:12 அன்றியும், சகோதரரே, உங்களுக்குள்ளே பிரயாசப்பட்டு, கர்த்தருக்குள் உங்களை விசாரணைசெய்கிறவர்களாயிருந்து, எங்களுக்குப் புத்திசொல்லுகிறவர்களை நீங்கள் மதித்து,

5:13 அவர்களுடைய கிரியையினிமித்தம் அவர்களை மிகவும் அன்பாய் எண்ணிக்கொள்ளும்படி உங்களை வேண்டிக்கொள்ளுகிறோம். உங்களுக்குள்ளே சமாதானமாயிருங்கள்.

5:14 மேலும், சகோதரரே, நாங்கள் உங்களுக்குப் போதிக்கிறதென்னவென்றால், ஒழுங்கில்லாதவர்களுக்குப் புத்திசொல்லுங்கள், திடனற்றவர்களைத் தேற்றுங்கள், பலவீனரைத் தாங்குங்கள், எல்லாரிடத்திலும் நீடிய சாந்தமாயிருங்கள்.

5:15 ஒருவனும் மற்றொருவன் செய்யும் தீமைக்குத் தீமைசெய்யாதபடி பாருங்கள்; உங்களுக்குள்ளும் மற்ற யாவருக்குள்ளும் எப்பொழுதும் நன்மைசெய்ய நாடுங்கள்.

5:16 எப்பொழுதும் சந்தோஷமாயிருங்கள்.

5:17 இடைவிடாமல் ஜெபம்பண்ணுங்கள்.

5:18 எல்லாவற்றிலேயும் ஸ்தோத்திரஞ்செய்யுங்கள்; அப்படிச் செய்வதே கிறிஸ்து இயேசுவுக்குள் உங்களைக்குறித்துத் தேவனுடைய சித்தமாயிருக்கிறது.

5:19 ஆவியை அவித்துப்போடாதிருங்கள்.

5:20 தீர்க்கதரிசனங்களை அற்பமாயெண்ணாதிருங்கள்.

5:21 எல்லாவற்றையும் சோதித்துப்பார்த்து, நலமானதைப் பிடித்துக்கொள்ளுங்கள்.

5:22 பொல்லாங்காய்த் தோன்றுகிற எல்லாவற்றையும் விட்டு விலகுங்கள்.

5:23 சமாதானத்தின் தேவன் தாமே உங்களை முற்றிலும் பரிசுத்தமாக்குவாராக, உங்கள் ஆவி ஆத்துமா சரீரம்முழுவதும், நம்முடைய கர்த்தராகிய இயேசுகிறிஸ்து வரும்போது குற்றமற்றதாயிருக்கும்படி காக்கப்படுவதாக.

5:24 உங்களை அழைக்கிறவர் உண்மையுள்ளவர், அவர் அப்படியே செய்வார்.

5:25 சகோதரரே, எங்களுக்காக வேண்டிக்கொள்ளுங்கள்.

5:26 சகோதரரெல்லாரையும் பரிசுத்த முத்தத்தோடே வாழ்த்துங்கள்.

5:27 இந்த நிருபம் பரிசுத்தமான சகோதரர் யாவருக்கும் வாசிக்கப்படும்படி செய்யவேண்டுமென்று கர்த்தர்பேரில் ஆணையிட்டு உங்களுக்குச் சொல்லுகிறேன்.

5:28 நம்முடைய கர்த்தராகிய இயேசுகிறிஸ்துவினுடைய கிருபை உங்களுடனேகூட இருப்பதாக. ஆமென்.

English

1தெசலோனிக்கேயர் 4

<<<<<

References

கண்டித்தல் மற்றும் தண்டனை
முட்டாள்தனத்தை ஒப்புக்கொள்ளல்
புலம்பெயர்ந்த அறுவடையாளர்கள்
சமாரியனின் அருட்பணி
துருப்பிடித்த கீல்கள்
உஷாரான உக்கிராணக்காரர்கள்
ஒரு தாய் தன் குழந்தையை மறக்க முடியுமா?

1தெசலோனிக்கேயர் 5

Related Topics / Devotions

சோதிடர்கள் மற்றும் குறி சொல்பவர்கள் - Rev. Dr. J .N. மனோகரன்

குறையா? குமுறலா? - Rev. Dr. J .N. மனோகரன்

உரிமையாளரின் பெருமை.. அயலானுக்கு பொறாமை! - Rev. Dr. J .N. மனோகரன்

அற்புதமான அன்பு, அற்புதமான ஒளி மற்றும் கம்பீரமான வாழ்க்கை - Rev. Dr. J .N. மனோகரன்

ஜெபிப்பதே உங்கள் பழக்கமாகட்டும் - Rev. M. ARUL DOSS

சந்தோஷமாயிருங்கள் - Rev. M. ARUL DOSS

சோர்ந்துபோகாதிருங்கள் - Rev. M. ARUL DOSS

ஆட்டம்பாட்டம் கொண்டாட்டம் - Rev. Dr. J .N. மனோகரன்

பொல்லாத சவாரி - Rev. Dr. J .N. மனோகரன்

தீர்க்கத்தரிசகளுக்கு ஓர் அழைப்பு - Rev. Dr. J .N. மனோகரன்

செயற்கை உறுப்புகள் - Rev. Dr. J .N. மனோகரன்

பன்றி இதயம் மனிதர்களுக்கா!? - Rev. Dr. J .N. மனோகரன்

அலட்சியப்படுத்தாதீர்கள்! - Rev. Dr. J .N. மனோகரன்

துருப்பிடித்த கீல்கள் - Rev. Dr. J .N. மனோகரன்

References