தேவனுடைய ராஜ்யத்தில் ஒரு சீஷன்

ஒரு நாட்டின் சிப்பாய் எப்படி முழு கவசம் அணிந்து ஆயத்தமாக இருப்பானோ அதுபோல கிறிஸ்தவ வாழ்க்கை என்பது சாத்தானுக்கும் அவனுடைய பிசாசின் தந்திரங்களுக்கும் எதிரான ஆவிக்குரிய யுத்தத்தை சந்திக்க திராணியுள்ளவர்களாக சர்வாயுதவர்க்கத்தை தரித்து கொண்டு ஆயத்தமாக இருக்க வேண்டும் என விவரிக்கப்படுகிறது (எபேசியர் 6:10-17). போர் வீரர்கள் இதில் ஈடுபட்டுள்ள அவர்களின் அழைப்பு, பங்கு மற்றும் நோக்கம் ஆகியவற்றைப் புரிந்துகொண்டால், அவர்கள் திறம்பட, ஜெயமான மற்றும் வெற்றிகளைப் பெற முடியும்.

1) பற்றுக்கோள்:
ஒரு கிறிஸ்தவன், தான் ஒரு பாவி மற்றும் கர்த்தராகிய இயேசு கிறிஸ்து இரட்சகர் என்ற சத்தியத்தை உணர்ந்து தனது ஆவிக்குரிய பயணத்தைத் தொடங்குகிறான். பரிசுத்த ஆவியானவர் ஒரு நபருக்கு தேவனைத் தேடவும், மறுபடி பிறக்கவும் உதவுகிறார்.  வார்த்தையிலிருந்து கிடைக்கும் இரட்சிப்பின் உறுதி, ஒரு நபர் தேவ ராஜ்யத்தின் நோக்கத்திற்காக தேவனின் சிப்பாயாக மாற உதவுகிறது.

2)  நம்பிக்கை:
தன்னை அழைத்து, பங்கேற்க செய்து, பயிற்சியளித்து, தன்னை அவர் பணிக்கு நியமித்தவர் தன் இரட்சிப்பின் அதிபதி என்பதில் ஒரு விசுவாசி நம்பிக்கை வைத்திருக்கிறான் (எபிரெயர் 2:10).

3) அர்ப்பணிப்பு:
ஒரு சிப்பாய் தளபதியிடம் அர்ப்பணிப்புடன் இருப்பார் என்று எதிர்பார்க்கப்படுகிறது.  அதில் தன்னிச்சையான, மறைமுகமான மற்றும் முழுமையான கீழ்ப்படிதல் அடங்கும்.

4) பிரதிஷ்டை:
சிப்பாய் தேசத்திற்காக அல்லது ராஜ்யத்திற்காக அர்ப்பணிக்கப்பட்டவன்.  அவன் சாதாரண, இவ்வுலக வாழ்க்கைக்குரிய அல்லது இராணுவமற்ற விஷயங்களில் ஈடுபடக்கூடாது (2 தீமோத்தேயு 2:4). ஒரு விளையாட்டு வீரரைப் போல ஒரு கிறிஸ்தவ விசுவாசி தேவையற்ற அல்லது பாரமான மூட்டை முடிச்சுகளை தூக்கி எறிய வேண்டும் (எபிரெயர் 12:1). 

5) தைரியம்:
ஒரு சிப்பாய் பயப்பட கூடாது. "திடனற்றவனுமாயிருக்கிறவன் எவனோ, அவன் தன் சகோதரரின் இருதயத்தைத் தன் இருதயத்தைப்போலக் கரைந்துபோகப்பண்ணாதபடிக்கு, தன் வீட்டுக்குத் திரும்பிப்போகக்கடவன்" (உபாகமம் 20:8) என்று மோசே பிரமாணம் அறிவுறுத்துகிறது. அவர்கள் இராணுவத்துடன் செல்ல முடியாது, ஏனெனில் அவர்கள் முழு இராணுவத்தையும் சீர்குலைப்பார்கள். 

6) மோதல்:
ஒரு கிறிஸ்தவ வாழ்க்கை என்பது சாத்தானுக்கும் அவனுடைய சக்தி வாய்ந்த முகவர்களுக்கும் எதிரான தொடர்ச்சியான மற்றும் நிலையான போராட்டமாகும். வாழ்க்கை என்பது போராட்டத்திற்கான உதாரணமாக காட்டுகிறார் பவுல் (2 தீமோத்தேயு 4:7). 

7) செலவு:
ஒரு சிப்பாயாக இருப்பதற்கான செலவு அவனுடைய சொந்த வாழ்க்கை.  ஒரு சிப்பாய் எந்த காரணத்திற்காக போராடுகிறானோ அதை விட அவனது சொந்த உயிரை பெரிதாக எண்ணுவதில்லை.  ஒரு சீஷன் தன் எஜமானனை பின்தொடர அழைக்கப்படுகிறான், அவர் சிலுவையை எடுக்கும்படி தன்னைப் பின்பற்றுபவர்களைக் கோருகிறார், இது வன்முறை மற்றும் கொடூரமான மரணத்தின் அடையாளம்.  ஒரு சீஷன் மரணத்திற்கு பயப்படுவதில்லை, அதற்குப் பதிலாக தனக்கு நுழைவதற்கான கடைசி கதவு என்று பார்க்கிறான், அது மாத்திரமல்ல இது பரலோகத்திற்கும் பூமிக்குமான தேவனுடனான நித்தியத்திற்கு வழிவகுக்கிறது.

 நான் ஆண்டவரின் தளரா உழைப்பும் சிரத்தையும் உடைய வீரனா?

Author: Rev. Dr. J .N. மனோகரன்