விழிப்பதும் தூக்கமும்!

"நித்திரையைவிட்டு எழுந்திருக்கத்தக்க வேளையாயிற்றென்று, நாம் காலத்தை அறிந்தவர்களாய், இப்படி நடக்கவேண்டும்; நாம் விசுவாசிகளானபோது இரட்சிப்பு சமீபமாயிருந்ததைப் பார்க்கிலும் இப்பொழுது அது நமக்கு அதிக சமீபமாயிருக்கிறது" (ரோமர் 13:11) என்பதாக பவுல் அறிவுறுத்துகிறார். தூக்கத்தைப் பற்றி மருத்துவ அறிவியலும் நிறைய நுண்ணறிவுகளை வழங்குகிறது. விரைவான கண் இயக்க தூக்கம் (Rapid Eye Movement) என்பது மூளை சுறுசுறுப்பாக இருக்கும்போது, ​​உடல் செயலற்ற நிலையில் இருக்கும்;  இது சாதாரண தூக்கம். விரைவற்ற கண் இயக்க தூக்கம் (Non – Rapid Eye Movement sleep) என்பது உடல் சுறுசுறுப்பாக இருக்கும் போது, ​​மூளை செயல்படாமல் இருக்கும்; இது நல்லதல்ல.  இதற்கு உதாரணம் சொல்ல வேண்டுமெனில் தூக்கத்தில் நடப்பது.

1) மரணம்:
மரணமும் தூக்கத்திற்கு சமம். லாசரு மரித்த போது, ​​கர்த்தராகிய இயேசு "நம்முடைய சிநேகிதனாகிய லாசரு நித்திரையடைந்திருக்கிறான். நான் அவனை எழுப்பப்போகிறேன் என்றார்" (யோவான் 11:11). 

2) கிறக்கம்:
இது ஒருவித மயக்கம் அல்லது மந்தமான உணர்வு அல்லது சோம்பலாக இருப்பது எனலாம். அந்த நபர் விழித்திருப்பதாகவும் கவனமுடன் இருப்பதாகவும் மற்றவர்கள் நினைக்கலாம், ஆனால் அவர் தூங்கிக் கொண்டிருப்பார்.  கெத்செமனே தோட்டத்தில் கூட, மூன்று சீஷர்கள் தூக்கத்தில் இருந்தனர் (மத்தேயு 26:38). 

3) பரவசம்:
பேதுரு ஞானதிருஷ்டியடைந்தான்; அதாவது அங்கு அவன் சரீர ரீதியாக தூங்கிக் கொண்டிருந்தான், ஆனால் ஆவிக்குரிய ரீதியில் தேவன் தன்னிடம் ஒரு கனவின் மூலம் பேசுவதைக் கண்டான். அதற்கு பின்பதாக அவனுக்கு  புறஜாதிகளைப் பற்றிய கண்ணோட்டமே மாறியது (அப்போஸ்தலர் 10:10). 

4) ஆழ்ந்த உறக்கம்:
யோனா தர்ஷீசுக்கு ஓடிப்போகும்படி கப்பலில் ஏறினான், பின்பதாக கப்பலின் கீழ்த்தட்டில் இறங்கி போய்ப் படுத்துக் கொண்டு அயர்ந்த நித்திரை பண்ணினான். ஆழ்ந்த உறக்கத்தில் புயல், காற்று, அலைகள், மக்களின் அலறல் சத்தம் என எந்த சலசலப்பும் அவனைத் தொந்தரவு செய்யவில்லை.  தேவ திட்டத்திலிருந்து தப்பிக்கும் முயற்சியை அவன் ஒப்புக்கொண்டு சரணடைந்தபோது அவன் தூக்கம் கலைந்தான் (யோனா 1:5). சவுலின் வேலைக்காரர்கள் ராஜாவைக் காக்க மறந்து ஆழ்ந்த உறக்கத்தில் இருந்தார்கள் (1 சாமுவேல் 26:12).

5) கவனக்குறைவான தூக்கம்:
பரிசுத்த ஆவியின் பிரசன்னத்தையும் தன் வல்லமையையும் இழந்ததை அறியாமல் சிம்சோன் தெலீலாளின் மடியில் தூங்கினான் (நியாயாதிபதிகள் 16:19). 

6) அலட்சிய தூக்கம்:
பவுல் பிரசங்கித்து கொண்டிருந்தபோது, ஐத்திகு என்ற இளைஞன் தவறான இடத்தில் உட்கார்ந்திருந்ததால் தூங்கி விழுந்து இறந்தான் (அப்போஸ்தலர் 20:7-12). 

7) நல்ல தூக்கம்:
"தேவனே தமக்குப் பிரியமானவனுக்கு நித்திரை அளிக்கிறார்" (சங்கீதம் 127:3). 

தேவனுடைய சித்தத்தைச் செய்ய ஓடிப்போய் தூங்குகிறோமா;  அல்லது நமது பொறுப்பை தட்டிக் கழிக்கிறோமா;  அல்லது பாவ ஈர்ப்புகளில் மூழ்கிறோமா, அல்லது அலட்சியம் பண்ணுகிறோமா?  அவருடைய பிரியமானவர்களாக மட்டுமே நாம் விழித்தெழுந்து நிம்மதியான உறக்கத்தைப் பெறுவோம்.

 நான் ஆவிக்குரிய ரீதியில் விழித்திருக்கிறேனா அல்லது தூங்குகிறேனா?
 Author: Rev. Dr. J .N. மனோகரன்