அருட்பணியின் சிற்றலை விளைவு

அருட்பணியின் மையப்பகுதி எருசலேமாக இருக்கும் (அப்போஸ்தலர் 1:8). கர்த்தராகிய இயேசு சிலுவையில் அறையப்பட்டு, அடக்கம் செய்யப்பட்டு, மரித்தோரிலிருந்து உயிர்த்தெழுந்த இடமாகும், மேலும் பல சாட்சிகளுக்கு முன்பாக பரமேறுதலும் நடந்தது.  அருட்பணியை நான்கு வகைகளாகப் பிரிக்கலாம்;

சுவிசேஷ  அருட்பணி 1:
சுவிசேஷம் மற்றும் சாட்சியம் என இணைந்த எருசலேம், அருட்பணியின் சொந்த ஊர் அல்லது தாயகம் என கருதப்படலாம்.  அந்த இடம் ஒரே கலாச்சாரம், ஒரே மொழி மற்றும் ஒரே நம்பிக்கை அமைப்புகளைக் கொண்டிருக்கலாம்.

கிறிஸ்தவர்களிடையே சில பயன்பாடுகள் ஊழியமாக பெயரளவில் கருதப்படலாம்.

பெருநகரங்களில் உள்ளதைப் போல மக்கள் குழுக்கள் அல்லது மொழிக் குழுக்கள் அதிகம் உள்ள நகரங்களுக்கான பணியாகவும் இது கருதப்படலாம்.

சுவிசேஷ அருட்பணி 2:
யூதேயா இஸ்ரவேலின் கிராமப்புறம்.  மக்களும் ஒரே கலாச்சாரம், மொழி மற்றும் ஒரே நம்பிக்கை அமைப்பைக் கொண்டவர்கள்.  எருசலேம் தேசிய அல்லது மாகாண தலைநகரமாக இருந்தால், யூதேயா ஒரு மாகாணம் அல்லது தேசத்தின் கிராமப்புறம் அல்லது பிற பகுதியாக இருந்தது.

சுவிசேஷ அருட்பணி 3:
சமாரியா அண்டை மாகாணமாக இருந்தது.  அங்குள்ள மக்கள் ஒரே மாதிரியான கலாச்சாரம், ஒத்த மொழி மற்றும் ஒரே மாதிரியான நம்பிக்கை அமைப்பு ஆகியவற்றைக் கொண்டுள்ளனர்.  உதாரணமாக, இந்தியாவில் உள்ள அண்டை மாநில மக்கள், ஒரே மாதிரியான கலாச்சாரம் மற்றும் மொழியைக் கற்றுக்கொள்வது எளிது.  மலையாளமும் தமிழும் ஒத்தவை;  ஒரியாவும் வங்காள மொழியும் ஒத்தவை; தெலுங்கும் கன்னடமும் ஒத்தவை;  குஜராத்தியும் மராத்தியும் ஒரே மாதிரியானவை.

இன்றைய காலங்களில், இடம்பெயர்வையும் இந்த வகையில் கருதலாம். புலம்பெயர்ந்தோருக்கு,  விருந்தினர் கலாச்சாரம் போலவே சூழல் உள்ளது. பல்வேறு கலாச்சார மற்றும் மொழி பின்னணியில் இருந்து வரும் புலம்பெயர்ந்தோரை அணுகும் உபசரிப்பாளர்கள் விருந்தினர்களை வரவேற்பது போல நகரச் சபைகள் சுவிசேஷ அருட்பணியில் ஈடுபட்டுள்ளன.

சுவிசேஷ அருட்பணி 4:
உலகின் அனைத்து மூலை முடுக்குகளையும் இந்த அருட்பணி சென்றடைய வேண்டும். அனைத்து கலாச்சாரங்களும், மொழியினரும், மக்கள் குழுக்களும், நாடுகளும் மற்றும் குடும்பங்களும் நற்செய்தியைக் கேட்க வேண்டும். சுவிசேஷம் எல்லா தடைகளையும் கடந்து மக்களை சென்றடைய வேண்டும். அதாவது வெவ்வேறு கலாச்சார மக்களிடம் சென்று, ஒரு புதிய மொழியைக் கற்றுக் கொண்டு பின்பதாக நற்செய்தியை அறிவிக்க வேண்டும் என்பது இதன் பொருள்.  அருட்பணி என்பது எளிதல்ல, கடினமானது தான், செலவும் ஆகும் மற்றும் மக்களுக்காக மிகவும் அர்ப்பணிப்புடன் செய்ய வேண்டியது.  அனைத்து வகை அருட்பணிகளிலும் இந்த நான்காவது வகை மிகவும் கடினமானது.  நவீன உலகில், உலகின் பெரும்பகுதியாய் இருக்கும் டிஜிட்டல் உலகத்தையும் இதில் சேர்க்க வேண்டும்.

 எனது அருட்பணி ஈடுபாட்டில் என் பகுதி என்ன? சிந்திப்போமா. 

 Author: Rev. Dr. J .N. மனோகரன்