கர்த்தராகிய இயேசு கிறிஸ்துவின் இரத்தம்

பாஸ்கர் மிகவும் பக்தியுள்ள மனிதர், ஆனால் அவர் எல்லா மறுபிறவிகளையும் கடந்து கடவுளை நேரடியாக அடைவாரா என்ற கேள்வி இருந்தது. ஒரு சனிக்கிழமை, அவர் வழிபாட்டின் அடையாளமாக இரத்தத் துளிகளை சுவரில் தொங்கவிட்ட அனைத்து கடவுள்களின் நெற்றிகளிலும் பூசினார். அவரது எதிர்பார்ப்பு ஏனோ நிறைவேறவில்லை.

ஞாயிற்றுக்கிழமை மாலை தனது கல்லூரி விடுதியில் இருந்து பீச் ஸ்டேஷனுக்கு ரயிலில் சென்றார். அங்கு அவர் முன்பின் அறியாதவர் ஒருவரைச் சந்தித்தார். அவர் அவருக்கு ஒரு துண்டு பிரசுரத்தைக் கொடுத்தார்; அதில் 'இரத்தம் தேவை' என்பதாக இருந்தது. அதைப் பார்த்த பாஸ்கர் தனது இரத்தத்தை தானம் செய்ய நினைத்து துண்டுப் பிரதியைக் கொடுத்தவரை பின் தொடர்ந்தார். அவர் ஒரு சபைக்குள் நுழைந்தார், இவரும் பின் சென்றார். அங்கு பிரசங்கச் செய்தியாக; “கர்த்தராகிய இயேசு கிறிஸ்துவை விசுவாசியுங்கள், நீங்கள் நித்திய ஜீவனைப் பெறுவீர்கள்” என்று சொல்வதைக் கேட்டார். அதில் பெறுவீர்கள் என்ற வார்த்தை பாஸ்கரை வெகுவாக கவர்ந்தது.  அது 'கூடும்' அல்லது 'இருக்கலாம்' அல்லது 'ஒருவேளை' அல்லது 'சாத்தியம்' அல்லது 'நம்பலாம்' என்றல்ல. அந்த கூட்டத்தில் கலந்து கொண்ட பிறகு யோவான் 3:16 ஆன "தேவன், தம்முடைய ஒரேபேறான குமாரனை விசுவாசிக்கிறவன் எவனோ அவன் கெட்டுப்போகாமல் நித்தியஜீவனை அடையும்படிக்கு, அவரைத் தந்தருளி, இவ்வளவாய் உலகத்தில் அன்புகூர்ந்தார்" என்ற வார்த்தைகளைப் புரிந்துகொள்ள அவருக்கு உதவப்பட்டது. 

"தேவன் பாஸ்கரை மிகவும் நேசித்தார், அவர் பாஸ்கருக்காக தனது ஒரே மகனைக் கொடுத்தார், பாஸ்கர் அவரை நம்பினால், பாஸ்கர் அழியமாட்டார், ஆனால் பாஸ்கர் நித்திய வாழ்வைப் பெறுவார்." இவ்வார்த்தைகள் மெய்சிலிர்க்கும் வகையில் இருந்தது. எனது பக்தி, எனது மதம், எனது முயற்சிகள், எனது அனுசரிப்பு, எனது உழைப்பு, எனது மந்திரம், எனது கர்மா, எனது யாத்திரை அல்லது எனது உண்ணாவிரதத்தினால் அல்ல... வேறு யாரோ ஒருவர் என் இடத்தில் இருந்தார். இது நற்செய்தியின் மகிமையும் விடுதலைக்கான சத்தியமுமாகும்.
பின்னர் அவர் ஒரு முகாமில் சில மாணவர்களுடன் சேர்ந்தார். கடைசி நாளில் அனைவரும் தங்கள் அனுபவங்களை பகிர்ந்து கொண்டனர். பாஸ்கர் மற்றவர்களைப் போல் தன் அனுபவத்தைச் சொல்ல வேண்டும் என்ற குரல் கேட்டது. அவர் பயந்து ஒரு கழிப்பறைக்குள் ஓடினார். “அங்கு சென்று மேல்நோக்கிப் பார்த்தபோது, சிலுவை போன்ற அமைப்பில் ஒரு மரக் கற்றையைக் கண்டேன். அதிலிருந்து ரத்தத் துளிகள் கொட்டுவதைக் கண்டேன். நான் பயந்தேன், அதற்கு விளக்கம் தேவைப்பட்டது. சில கணங்களில்; “ஒரு குரல் என்னிடம், ‘உனக்கு என் இரத்தம் தேவை; உன்னுடையது எனக்கு தேவையில்லை. என் இரத்தமே உன்னைப் போன்று இருக்கும் அநேகரை ஏற்றுக் கொள்ள வைக்கும்" என்ற சத்தத்திற்கு; பாஸ்கர்; "ஆண்டவரே, நான் ஏற்றுக்கொள்கிறேன்" என்றார்  (மேற்கூறியவையெல்லாம் பாஸ்கர் ஸ்ரீரங்கம் எழுதிய பிராமணன் மறுபிறப்பு என்ற நூலிலிருந்து). ஆம், "நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியும் உள்ளவராயிருக்கிறார்" (1 யோவான் 1:9). 

அவருடைய இரத்தத்தால் நீங்கள் சுத்திகரிக்கப்பட்டுள்ளீர்களா?

Author : Rev. Dr. J. N. Manokaran