அடைக்கலப்பட்டணங்கள்

வாக்குப்பண்ணப்பட்ட தேசத்தை இஸ்ரவேலர் கைப்பற்றியபோது, ​​ஆறு அடைக்கலப் பட்டணங்களைக் கட்டும்படி அவர்களுக்குக் கட்டளையிடப்பட்டது. அது எதற்கென்றால், தற்செயலாக, கைபிசகாக ஒருவனைக் கொல்லும் நபர், இரத்தத்தின் பழிவாங்கலால் கொல்லப்படாமல் தப்பியோடி அந்த பட்டணத்தில் பாதுகாப்பாக இருக்க இது ஒரு ஏற்பாடு (எண்ணாகமம் 35:11; யோசுவா 20:3). ஒரு நபர் கொலை செய்யப்படும்போது, ​​பாதிக்கப்பட்டவரின் குடும்பத்தைச் சேர்ந்த ஒருவர், அந்த இரத்தத்திற்காக பழிவாங்குவார், அதாவது கொலைகாரனைக் கொன்றதன் மூலம் தீர்ப்பை நிறைவேற்றும் பொறுப்பை ஏற்றுக்கொள்கிறார்.  நிரபராதிகள் பாதுகாக்கப்பட வேண்டும், தேவையில்லாத இரத்தம் சிந்தப்படக்கூடாது, மேலும் அவனது வழக்கை விளக்கவோ அல்லது வாதிடவோ அனைவருக்கும் உரிமை உண்டு.  காதேஸ் (நப்தலியில்), சீகேம் (மேற்கு மனாசேயில்), ஹெப்ரோன் (யூதாவில்), கோலான் (கிழக்கு மனாசேயில்), ராமோத் (காத்தில் உள்ள கிலியாத்), மற்றும் பேசர் (ரூபனில்) ஆகியவை ஆறு நகரங்கள் ஆகும்.  நாட்டின் எந்த மூலையிலிருந்தும் நகரங்களை எளிதாக அணுக முடியும்.

அடைக்கலப் பட்டணத்திற்கு செல்லும் வழி:
புகலிட நகரம் கர்த்தராகிய இயேசு கிறிஸ்துவின் ஒரு வகையாக கருதப்படுகிறது (எபிரெயர் 6:18). ஆம், “திருடன் திருடவும் கொல்லவும் அழிக்கவும் வருகிறானேயன்றி வேறொன்றுக்கும் வரான்” (யோவான் 10:10). அப்படியென்றால் ஒரு பாவி அடைக்கலம் தேட கர்த்தராகிய இயேசு கிறிஸ்துவை நோக்கிய பாதையை தேர்ந்து எடுக்க வேண்டும் (எபிரெயர் 6:18). பாவிகளை மனந்திருந்தவும், பொல்லாத வழிகளை விட்டு திரும்பவும், சரியான பாதையில் ஓடவும் நற்செய்தி வலியுறுத்துகிறது.

 பாவ சாபம்:
 பாவிகள் ஆதாமின் வழித்தோன்றல்களாக சபிக்கப்படுகிறார்கள்.  பரிசுத்த ஜீவனுள்ள தேவனை விட்டுப் பிரிவது பாவத்தின் சாபம்.  எல்லாரும் பாவம் செய்து, தேவனுடைய மகிமையை இழந்துவிட்டார்கள் (ரோமர் 3:23). ஒப்புரவாகுதலுக்கான ஒரே வழி கர்த்தராகிய இயேசு கிறிஸ்துவின் மூலம் மட்டுமே (2 கொரிந்தியர் 5:18-19).

நியாயப்பிரமாணத்தின் கண்டனம்:
பாவத்தின் சம்பளம் மரணம், இது தேவனிடமிருந்து நித்திய பிரிவினை (ரோமர் 6:23). கர்த்தராகிய இயேசு கிறிஸ்துவின் இரத்தம் ஒரு நபரை சுத்தப்படுத்துகிறது, சீர்ப்படுத்துகிறது மற்றும் நீதிமான் என்று அறிவிக்கிறது.

தேவ கோபம்:
பாவிகள் தேவக் கோபத்திற்கு தகுதியானவர்கள். கர்த்தராகிய இயேசு கிறிஸ்து தேவ கோபம் என்னும் கோப்பையை ஏற்றுக்கொண்டு அதை எடுத்துக் கொண்டார், நமக்காக கல்வாரி சிலுவையில், மரித்து, அடக்கம் செய்யப்பட்டு, உயிர்த்தெழுந்தார்.  அதற்கு மாறாக, பாவிகள் அவருடைய கிருபையையும், அன்பையும், ஆசீர்வாதத்தையும் பெறுகிறார்கள்.

 கர்த்தராகிய இயேசு கிறிஸ்துவில் நான் அடைக்கலம் புகுந்திருக்கிறேனா?

 Author: Rev. Dr. J .N. மனோகரன்