சில வீடியோக்கள் கிறிஸ்தவ சமூகத்தை பயங்கரமான விளைவுகளுடன் அச்சுறுத்துகின்றன. உலகின் பல பகுதிகளில், கிறிஸ்தவர்கள் துன்புறுத்தப்படுவது அன்றாட விவகாரமாகி விட்டது. அப்போஸ்தலனாகிய யாக்கோபு ஏரோதுவால் பட்டயத்தால் கொல்லப்பட்டான். பின்னாட்களில் ஏரோது புழுபுழுத்து இறந்தான் (அப்போஸ்தலர் 12: 2,23). சபையைத் துன்புறுத்துவது கர்த்தராகிய இயேசு கிறிஸ்துவைத் துன்புறுத்துவதாகும் (அப்போஸ்தலர் 9:4).
இராயன் என்ன கடவுளா?
கிறிஸ்தவர்கள் இராயனை ஆண்டவராக அறிவிக்க மறுத்ததால், இயேசுவே ஆண்டவர் என்று சொல்வதில் உறுதியாக இருந்தனர். அதனால் அவர்கள் கலகக்காரர்களாகவும் குற்றவாளிகளாகவும் எண்ணப்பட்டு துன்புறுத்தப்பட்டனர். அவர்கள் சிலுவையில் அறையப்பட்டனர், சவுக்கால் அடிக்கப்பட்டனர், காட்டு விலங்குகளுக்கு முன்பாக வீசப்பட்டனர்.
தேவனுடைய கோபம்
துன்புறுத்தும் பேரரசர்களை தேவன் வெவ்வேறு வழிகளில் தண்டித்தார். அவர்களின் முடிவு பரிதாபமாகவும் துயரமானதாகவும் இருந்தது. ரோமானியப் பேரரசு அழிந்தது, ஆனால் சபை நிலைத்திருக்கிறது, செழித்து, வளர்கிறது.
நீரோ:
ரோம் நகரம் பற்றியெரியும் போது நீரோ மன்னன் பிடில் வாசித்துக் கொண்டிருத்தான், இந்த நெருப்பிற்கு காரணம் கிறிஸ்தவர்கள் என குற்றம் சாட்டினான், அவர்களைத் துன்புறுத்தினார்கள். அவரது ஆட்சியின் போது 30000 பேர் கொள்ளைநோயால் இறந்தனர், அவனது இராணுவம் பிரிட்டனில் தோற்கடிக்கப்பட்டது, ஆர்மீனியாவில் புரட்சி நீரோவின் அதிகாரத்தை சவால் செய்தது மற்றும் அவனது ஆலோசனை சங்கத்தார் அவனை மிகவும் வெறுத்தார்கள், அவன் தன்னைக் கொல்ல வேண்டிய கட்டாயம் ஏற்பட்டது.
டொமிஷியன்:
படைவீரர்கள் உட்பட சதிகாரர்களால் வெட்டப்பட்டு அல்லது படுகொலை செய்யப்பட்டான். அவனுக்கு 44 வயது.
டிராஜன்:
அவன் மாரடைப்பால் இறந்தான் மற்றும் துர்நாற்றம் வேறு வீசியது.
செப்டிமியஸ் செவரஸ்:
அவன் கிறிஸ்தவர்களை துன்புறுத்தினான் மற்றும் யூத மதத்திலிருந்து கிறிஸ்தவ நம்பிக்கைக்கு மாறுவதை தடை செய்தான். பிரிட்டனில் 40000 வீரர்களுடன் சென்ற ராணுவ இயக்கத்தின் போது பரிதாபமாக உயிரிழந்தான்.
மாக்சிமினஸ் த்ராக்ஸ்:
நகரத்தின் எதிர்பாராத முற்றுகையின் காரணமாக அவனது வீரர்கள் பட்டினியை அனுபவித்தனர். அவர்கள் மாக்சிமஸ் மற்றும் அவனது மகன்கள் மற்றும் அவனது அமைச்சரவை செயலர்களைக் கொன்றனர். அவர்கள் தலைகளை வெட்டி, கம்புகளில் பிடித்து, அவனது குதிரை வீரர்கள் மூலம் ரோமுக்கு கொண்டு சென்றனர்.
காயஸ் மெஸ்சியஸ் டெசியஸ்:
அவர் டானூப் முழுவதும் கோத் எதிராக போராடினான். அவனது மகன் ஒரு அம்பினால் கொல்லப்பட்டான், அவன் தொடர்ந்து போராடினான், ஆனால் அப்ரிட்டஸ் போரில் கொல்லப்பட்டான்.
பப்லியஸ் வலேரியன்:
அவன் பரிசுத்த லாரன்ஸைக் கொன்றான். எடெசா போருக்குப் பிறகு பாரசீக அரசர் ஷாபூரின் கைதியாக அவன் சவுக்கடியால் கொல்லப்பட்டான்.
லூசியஸ் டொமிஷியஸ் ஆரேலியன்:
கண்டிப்பான நிர்வாகியாக இருந்தான். அவர்கள் தூக்கிலிடப்படலாம் என்ற அச்சத்தில், ஒரு சில அதிகாரிகள் அவனை படுகொலை செய்தனர்.
காயஸ் ஆரேலியஸின் டையோக்லெஷியன்:
விஷம் அருந்தி தற்கொலை செய்து கொண்டான்.
உபத்திரவங்களுக்கு மத்தியில் நான் நம்பிக்கையுடன் இருக்கிறேனா?
Author: Rev. Dr. J .N. மனோகரன்