தாமதமான நீதி மற்றும் மறுக்கப்பட்ட நீதி

மகாராஷ்டிராவைச் சேர்ந்த 108 வயது முதியவர் ஒருவர் 1968 ஆம் ஆண்டு முதல் தான்  இந்திய உச்ச நீதிமன்றத்தில் தொடுத்து வந்த வழக்கு முடியும் முன்னர் மரணத்தை எய்தினார். 53 வருடங்களாக அவர் நீதிமன்றத்தின் கதவைத் தட்டியும், நீதி கிடைக்கும் முன் இறந்தார். (இந்தியா டுடே, 22 ஜூலை 2021) நீதியின் மீதான அந்த மனிதனின் நம்பிக்கை மறைந்து போனது. கர்த்தர் நீதியுள்ளவர், அவர் நீதியை விரும்புகிறார். இருப்பினும், நீதித்துறை அமைப்பு இந்த பரிதாபகரமான மனிதனைத் தோற்கடித்தது. தேவ மக்கள் வீழ்ச்சியடைந்த உலகில் நீதியை நிலை நிறுத்துவார்கள்  என்று எதிர்பார்க்கப்படுகிறது. கர்த்தரின் செங்கோல் நீதியுள்ளது; அவருடைய நீதியும் நியாயமும் அவருடைய சிம்மாசனத்தின் அடித்தளம் (சங்கீதம் 45: 6; 89:14; 97: 2).  இஸ்ரவேல் தேசம் நீதியை புழுவைப்போல் ஆக்குகிறது என்று ஆமோஸ் தீர்க்கதரிசி குற்றம் சாட்டினார்.

யோசபாத் ராஜா தனது நீதித்துறை அதிகாரிகளுக்கு ஐந்து முக்கியமான கொள்கைகளைக் கூறினார்: "அந்த நியாயாதிபதிகளை நோக்கி: நீங்கள் செய்கிற காரியத்தைக்குறித்து எச்சரிக்கையாயிருங்கள்; நீங்கள் மனுஷனுடைய கட்டளையினால் அல்ல, கர்த்தருடைய கட்டளையினால் நியாயம் விசாரிக்கிறீர்கள்; நியாயம் விசாரிக்கிற விஷயத்திலே அவர் உங்களுடனே இருக்கிறார். ஆதலால் கர்த்தருக்குப் பயப்படுகிற பயம் உங்களிடத்தில் இருக்கக்கடவது, எச்சரிக்கையாயிருந்து காரியத்தை நடத்துங்கள்; உங்கள் தேவனாகிய கர்த்தரிடத்திலே அநியாயமும் முகதாட்சிணியமுமில்லை, பரிதானமும் அவரிடத்திலே செல்லாது என்றான்.” (II நாளாகமம் 19: 6,7)

1) கர்த்தருடைய கட்டளையினால் நியாயம்:

நீதிபதிகள் நீதி வழங்க கர்த்தரைப் பிரதிநிதித்துவப்படுத்துகிறார்கள். அவர்கள் அநீதியை அங்கீகரிப்பதன் மூலமும் தண்டிக்கப்படாமல் பொல்லாதவர்களை விடுவதன் மூலமும் கர்த்தரை அவதூறு செய்யக்கூடாது.

2) கர்த்தர் உங்களுடன் இருக்கிறார்:

கர்த்தர் அவரை நம்பியிருக்கும் நீதிபதிகளுக்கு அவருடைய ஞானம், அறிவுரை மற்றும் சமயோசித புத்தியை வழங்குகிறார். தங்களின் அறிவுசார் திறனை அல்லது பகுப்பாய்வு திறனை நம்பியிருக்கும் நீதிபதிகள் ஏமாற்றும் சாட்சிகள் மற்றும் வழக்கறிஞர்களால் ஏமாற்றப்படலாம்.

3) அநீதி இல்லை:

நீதிபதிகள் பகுத்தறிய வேண்டும். அநீதி செய்வோர் தண்டிக்கப்படாமல் இருக்க அனுமதிக்கக் கூடது, அது சமுதாயத்தில் அவர்கள் பெருக வழிவகுக்கும்.

4) முகதாட்சிணியம் இல்லை:

கர்த்தரிடத்தில் முகதாட்சிணியமில்லை. (ரோமர் 2:11) வர்க்கம், குலம், சாதி, இரத்த உறவுகள், மொழி, இனம், நிறம் அல்லது வேறு எந்த அடிப்படையிலான  பாகுபாட்டையும் கர்த்தர் வெறுக்கிறார். நீதிபதிகள் பாரபட்சமற்றவர்களாக இருக்க எதிர்பார்க்கப்படுகிறார்கள்.

5) பரிதானம் இல்லை:

லஞ்சம் நீதிபதியைக் கெடுக்கிறது. லஞ்சம் நீதியைத் குலைக்கலாம் அல்லது நீதியைத் திசைதிருப்பலாம். " பரிதானம் வாங்காதிருப்பாயாக; பரிதானம் பார்வையுள்ளவர்களைக் குருடாக்கி, நீதிமான்களின் வார்த்தைகளைப் புரட்டும்." (யாத்திராகமம் 23: 8) லஞ்சம் பணம் அல்லது பரிசுகள் அல்லது உதவிகளாக இருக்கலாம்.   

வாழ்க்கையின் அனைத்து பகுதிகளிலும் நான் நீதியை இயல்பாக்குகிறேனா?

Author : Rev. Dr. J. N. Manokaran