மருமகள் மீதான அணுகுமுறை

காலங்காலமாக மாமியார் மற்றும் மருமகளுக்கு இடையே நடக்கும் சண்டைகளை வெகுஜன ஊடகங்கள் நாடகங்களாக விவாத கருப்பொருளாக ஔிபரப்புகின்றன. ஆனால் நாடகங்களில் மிகைப்படுத்தியும், உணர்ச்சிப் பெருக்கோடும், அழுகை, சூழ்ச்சி மற்றும் கொடுமை என்பதாகவும் காட்டப்படுகிறது. இருப்பினும், ஒரு சிறந்த முன்மாதிரியையும் உத்வேகத்தையும் வேதாகமம் நமக்கு அளிக்கிறது.

"கர்த்தர் உங்கள் இருவருக்கும் வாய்க்கும் புருஷனுடைய வீட்டிலே நீங்கள் சுகமாய் வாழ்ந்திருக்கச் செய்வாராக என்று சொல்லி, அவர்களை முத்தமிட்டாள். அப்பொழுது அவர்கள் சத்தமிட்டு அழுது, அவளைப் பார்த்து: பின்னர் அவள் அவர்களை முத்தமிட்டாள், அவர்கள் தங்கள் குரலை உயர்த்தி அழுதார்கள்" (ரூத் 1:9). 

1) கண்ணியம்:
நகோமி தன் மருமகள்களை கண்ணியமாக நடத்தினாள். தன் மீதும் குடும்பத்தின் மீதும் விழுந்த அனைத்து துரதிர்ஷ்டங்களுக்கும் அவள் அவர்களை நிந்திக்கவில்லை அல்லது சபிக்கவில்லை. வீட்டிற்கு வந்த மருமகள்கள் தான் குடும்பத்தின் இழப்பிற்கு காரணம் (அதாவது தன் மகன்களின் இறப்பிற்கு) என்று நகோமி அவர்களைக் குறை கூறவில்லை. நகோமிக்கு அவர்களை மரியாதையுடன் நடத்தும் அளவுக்கு பக்குவம் இருந்தது. ஆனால் வருத்தம் என்னவெனில் கிறிஸ்தவ வீடுகளில் கூட இந்த கண்ணியத்தை காணமுடியவில்லையே. 

2) சுதந்திரம்:
நகோமி தங்கள் சொந்த வீடுகளுக்குத் திரும்புவதற்கான வாய்ப்பையும் சுதந்திரத்தையும் தன் மருமகள்களுக்கு கொடுத்தாள். இஸ்ரவேலுக்கு தன்னுடன் பின்தொடரும்படி அவள் அவர்களைக் கட்டாயப்படுத்தவில்லை. ஆனால் மருமகள்கள் நிரந்தர அடிமைத்தனத்திலும் சேவையிலும் இருக்க வேண்டும் என்று எதிர்பார்க்கும் மாமியார்களும் இருக்கிறார்கள்.

3) நன்மை:
நகோமி ஓர்பாளிடமும் ரூத்திடமும், தன் மகன்களிடமும் அவர்களுடைய கணவரிடமும் அன்பாக (தயையாக) நடந்துகொண்டதாகக் கூறினார். அவர்களுடைய குறைகளைப் பார்ப்பதற்குப் பதிலாக, நகோமி அவர்களுடைய கனிவான வார்த்தைகளையும் செயல்களையும் பாராட்டுமளவு பக்குவமுள்ளவளாக இருந்தாள். மிக அரிதாகவே, ஒரு மாமியார் தன் மருமகளிடம் இருக்கும் நல்லதை ஒப்புக்கொள்வார்.

4) புதிய வாழ்க்கைக்கான வாழ்த்து:
ஓர்பாள் மற்றும் ரூத் இருவரும் மீண்டும் திருமணம் செய்து கொண்டு வாழ நகோமி விரும்பினாள். அவர்கள் விதவைகளாக இருந்து தனியாக இறக்க வேண்டியதில்லை. அவர்களுக்கு புதிய வாழ்க்கை துணையுடன் புதிய வாழ்க்கை அமையவும், மகிழ்ச்சியான இல்லம் அமையவும் வாழ்த்தினாள். நகோமி தன் மருமகள்களிடம் உண்மையில் பரந்த மனப்பான்மையுடன் இருந்தாள்.

5) ரூத்தையும் வழியனுப்புதல்:
நகோமி உண்மையில் ஓர்பாளைப் போல ரூத்தை தன் வீட்டிற்குத் திரும்பிச் செல்லும்படி கேட்டுக் கொண்டாள். "அப்பொழுது அவள்: இதோ, உன் சகோதரி தன் ஜனங்களிடத்துக்கும் தன் தேவர்களிடத்துக்கும் திரும்பிப் போய்விட்டாளே; நீயும் உன் சகோதரியின் பிறகே திரும்பிப்போ என்றாள்" (ரூத் 1:15). ஆம், தான் ஒருவேளை தனிமையில் தவித்து இறந்தாலும் பரவாயில்லை ஆனால் ரூத் கஷ்டப்படுவதை நகோமி விரும்பவில்லை.

நம் குடும்பம் சமுதாயத்திற்கு ஒரு முன்மாதிரியாக இருக்கின்றதா?

Author : Rev. Dr. J. N. Manokaran