உலக தரம் வாய்ந்த சேவை

மக்களுக்கான சேவை பண்டமாக்கப்பட்டு வணிகமயமாக்கப்பட்டுள்ளது.  அக்கறையுடனும், அன்புடனும், கரிசனையுடனும் செய்ய வேண்டிய சேவைகள் பணம் சம்பாதிக்கும் நிறுவனங்களாக மாறிவிட்டன.  இந்தியாவின் ஒரு நகரத்தில், ஆம்புலன்ஸ் சேவைகளுக்கு மிகவும் சிறப்பாக விளம்பரம் செய்யப்பட்டது, கட்டணமில்லா அழைப்புகள் வேறு.  உலகத்தரம் வாய்ந்த வசதிகள் இருப்பதாகக் கூறப்படும் அந்த ஆம்புலன்ஸில் பயணம் செய்யும் நோயாளிகளுக்கு அது கனவு போலாகும். உலகத்தரம் வாய்ந்த வசதி குறித்து அந்த நிறுவனத்திடம் ஒரு பத்திரிகையாளர் கேள்வி எழுப்பியபோது, ​​உரிமையாளர்கள் பதிலளித்தனர்: ‘நாட்டிலேயே கழிவறை வசதி உள்ள ஒரே ஆம்புலன்ஸ் எங்களுடையதுதான்’.  சில நிமிட பயணத்திற்கு கழிப்பறை வசதி ஏன் தேவை?  ஸ்ட்ரெச்சரில் படுத்திருக்கும் நோயாளிகள் அதைப் பயன்படுத்துவார்களா என்ன?  பொய்யான கூற்றுகள், வீண் வசதிகள் மற்றும் ஆடம்பரமான விளம்பரங்களுக்கு எதிராக வேதாகமம் எச்சரிக்கிறது: "கள்ளத்தராசு கர்த்தருக்கு அருவருப்பானது" (நீதிமொழிகள் 11:1). வெவ்வேறு அளவுகோல்களை தேவன் அங்கீகரிப்பதில்லை, அதாவது வெவ்வேறு தரநிலைகள். அளவுகள், மதிப்புகள் மற்றும் தரநிலைகள் தேவனுக்கு சொந்தமானது. "வெவ்வேறான நிறைகல்லும், வெவ்வேறான மரக்காலும் ஆகிய இவ்விரண்டும் கர்த்தருக்கு அருவருப்பானவைகள்" (நீதிமொழிகள் 20:10); "சுமுத்திரையான நிறைகோலும் தராசும் கர்த்தருடையது; பையிலிருக்கும் நிறைகல்லெல்லாம் அவருடைய செயல்" (நீதிமொழிகள் 16:11).

சொற்களஞ்சியம்:
சிலர் புத்திசாலித்தனமாக சட்ட வார்த்தைகளைப் பயன்படுத்துகிறார்கள், அது மக்களை குழப்பி அவர்களை ஏமாற்றும்.  கிரெடிட் கார்டு நிறுவனங்கள் வாழ்நாள் முழுவதும் இலவச கடன் அட்டைகளின் பயன்களை கூறுவார்கள், ஆனால் யாரும் படிக்க முடியாத மாதிரி நுண்ணோக்கி எழுத்துருக்களில் அதற்கான கட்டணம் பற்றி அதில் எழுதப்பட்டிருக்கும், அதன்படி வசூலிப்பார்கள்.

பொய் வாக்குறுதிகள்:
பல ரியல் எஸ்டேட் விளம்பரதாரர்கள் உள்ளனர், அவர்கள் அடுக்குமாடி குடியிருப்புகள் அல்லது வீடுகளை ஒரு குறிப்பிட்ட தேதியில் ஒப்படைப்பதாக உறுதியளிக்கிறார்கள்.  ஆனால் அவர்களில் பெரும்பாலோர் வழங்குவதில்லை, சில சமயங்களில் மாதக்கணக்கில் தாமதம் செய்கின்றனர், இன்னும் சிலர் அலைய விடுகின்றனர்.

தரமற்ற தரம்:
பல தயாரிப்பாளர்கள் தரமற்ற தயாரிப்புகள் அல்லது சேவைகளை வழங்குகிறார்கள்.

தவறான விளம்பரங்கள்:
பல விளம்பரங்கள் மருத்துவ ஆய்வுக்கு அப்பாற்பட்ட அற்புதங்களை உறுதியளிக்கின்றன; உதாரணமாக  வழுக்கைத் தலைக்கான அற்புதமான முடி வளர்ச்சி தைலம் அல்லது மது போதையிலிருந்து விடுபட மருந்து என சொல்லிக் கொண்டு போகலாம்.

முட்டாள்தனமான ஒப்புதல்கள்:
சில வணிகர்கள் தங்களின் திட்டங்கள் அல்லது முயற்சிகளுக்கு ஒப்புதல் அளிக்க ஒரு பிரபலத்தை வேலைக்கு அமர்த்துவதில் புத்திசாலிகள்.  பிரபலங்கள் நிறைய பணம் சம்பாதித்து விடுகிறார்கள், மக்களோ ஏமாற்றப்படுகிறார்கள்.  பின்னர் பிரபலங்கள் தங்கள் சொந்த ஒப்புதல்களை மறுக்கிறார்கள்.

பயன்படுத்திக் கொள்ளுதல்:
மக்கள் தேவைப்படும்போது அல்லது துன்பத்தில் இருக்கும்போது அல்லது அவசர தேவை இருக்கும் போது  மற்றவர்கள் பயன்படுத்திக் கொள்ளலாம்.  ஒரு நபர் நோய்வாய்ப்பட்டிருக்கும்போது, ​​துன்பப்படுகையில், வலியில் இருக்கும்போது, ​​அவசர மருத்துவ கவனிப்பு தேவைப்படும்போது ஆம்புலன்ஸ் சேவை தேவைப்படுகிறது.  துரதிர்ஷ்டவசமாக, அவர்கள் வஞ்சிக்கிறார்கள்.

 நேர்மையாக தான் இருக்க வேண்டும் என்பதை நான் என் சிறந்த கொள்கையாக வைத்துள்ளேனா?

Author: Rev. Dr. J .N. மனோகரன்