அளவான சுதந்திரம்

அப்பாவும் மகனும் பட்டம் பறக்கவிட்டுக் கொண்டிருந்தார்கள். "சரம் காத்தாடியை பறக்க விடவில்லை" என்பதாக சிறுவன் சொன்னான். அதற்கு அப்பா; “அப்படி இல்லை.  சரம் காத்தாடியை பறக்கச் செய்கிறது" என்றார்.‌ சிறுவனுக்கு அது புரியவில்லை, மறுபடியும் “பாருங்கள் அப்பா, சரம் காத்தாடியை மேலே பறக்க விடவில்லை” என்றான்.  திடீரென்று சரம் அறுந்து, காத்தாடி அங்கும் இங்கும் அசைந்து முட்புதரில் மோதியது.  சிறுவனுக்கோ பயங்கர வருத்தம், சோக முகமானான். அப்போது அப்பா சொன்னார், அந்த சரம் காத்தாடிக்கு காற்றில் எழும் சக்தியைக் கொடுத்தது, பாதுகாப்பையும் திசையையும் கொடுத்தது.  சரம் அறுந்தால் காத்தாடி விழுந்து அழியும்.

முட்டாள்தனமான விருப்பம்:
பொல்லாதவர்கள்; “அவர்கள் கட்டுகளை அறுத்து, அவர்கள் கயிறுகளை நம்மைவிட்டு எறிந்துபோடுவோம்” என்கிறார்கள் (சங்கீதம் 2:3). இந்த மக்கள் எந்த விதிகளையும் ஒழுங்குமுறைகளையும் கொண்டிருக்க விரும்பவில்லை.  அவர்களைப் பொறுத்தவரை, சட்டத் திட்டங்கள், நெறிமுறைகள் உடைக்கப்பட வேண்டும். இது எப்படியென்றால் ஒருவர் மரத்தின் கிளையின் மீது அமர்ந்துக் கொண்டே அந்த கிளையை அறுப்பது போன்றதாகும்.

ஒழுக்கத்தை வெறுக்கிறதா?
ஒழுக்கத்தை விரும்புபவர்கள், அறிவை நேசிப்பவர்கள் மற்றும் ஞானிகளாக மாறுவார்கள், மாறாக, ஒழுக்கம் அல்லது கண்டிப்பை வெறுப்பவர்கள் முட்டாள்களாக மாறுவார்கள்.   "புத்திமதிகளை விரும்புகிறவன் அறிவை விரும்புகிறான்; கடிந்து கொள்ளுதலை வெறுக்கிறவனோ மிருககுணமுள்ளவன்" (நீதிமொழிகள் 12:1). 

சட்டத்தை மீறுபவர்கள்:
சட்டத்தை மீறுவதால் ஏற்படும் விளைவுகள் குறித்து மக்கள் அச்சத்தில் உள்ளனர்.  பலருக்கு, ஒரு ஹீரோ என்பவர் சட்டத்தின் விளைவுகளிலிருந்து அவர்களைக் காப்பாற்றக்கூடியவர்.  எனவே, சட்டத்தை மீறுபவர்கள் பாராளுமன்றம் அல்லது சட்டமன்றங்களுக்கு தேர்ந்தெடுக்கப்படுகிறார்கள். சட்டத்தை மீறுபவர்கள் சட்டத்தை விட பெரியவர்கள் என்றும், சட்டத்தினால் ஏற்படும் விளைவுகளிலிருந்து அவர்களைப் பாதுகாக்க முடியும் என்றும் நினைக்கிறார்கள். எனவே பல நாடுகளில் குறிப்பாக ஆசியாவில், ஜனநாயகம் பயனற்றதாகிறது.

சாதகமான சூழல்:
சட்டங்கள் அமலில் இருக்கும் போது மற்றும் கண்டிப்பாக அமல்படுத்தப்படும் போது, ​​அந்த நகரம் அல்லது நாடு முன்னேறும்.  சில நாடுகளில் சிறந்த மற்றும் மெச்சத்தகுந்த சட்டங்கள் உள்ளன, ஆனால் அவை காகிதத்தில் உள்ளன, ஒருபோதும் செயல்படுத்தப்படவில்லை.

 அமைதியும் பாதுகாப்பும்:
 சட்டத்தை மதிக்கும் மக்கள் அமைதியை அனுபவிப்பார்கள்.  சட்டம் என்பது வேலிகள் போன்றது; பாறையிலிருந்து விழும் சாத்தியத்திலிருந்து பாதுகாக்கிறது.  கொடுமைப்படுத்துபவர்கள், பொல்லாதவர்கள், சுரண்டுபவர்கள், தீய அடக்குமுறையாளர்கள் மற்றும் தந்திரமான சதிகாரர்களிடமிருந்து சட்டம் பாதுகாக்கிறது.

ஆசீர்வாதங்கள்:
சட்டம் என்ற ஒன்று இருக்கும்போது தான், வழிகாட்டுதல் என்பதும் இருக்கும். தேவனுடைய சட்டங்கள் நியமனங்கள் நித்திய ஆசீர்வாதங்களை வாக்களிக்கின்றது.  இஸ்ரவேல் தேசம் நியாயப்பிரமாணத்தில் கவனம் செலுத்தவில்லை என ஏசாயா புலம்புகிறார்; அவர்கள் நதியைப் போன்ற சமாதானத்தையும், சமுத்திரத்தின் அலைகளைப் போன்ற  நீதியையும் இழந்து விட்டார்கள் (ஏசாயா 48:18-19).

தேவனின் சட்டத்திட்டங்களில் நான் மகிழ்ச்சியடைகிறேனா?

Author: Rev. Dr. J .N. மனோகரன்