ஒரு திருமண விழாவில், தந்தூரி ரொட்டியை முதலில் யார் பெறுவது என்ற விஷயத்தில், இரு இளைஞர்கள் இடையே ஏற்பட்ட தகராறு, மிக மோசமான நிலைக்கு சென்றது. அவர்கள் இருவரும் ஒருவரை ஒருவர் குச்சியால் அடித்துக் கொண்டு காயமடைந்து, இறந்துபோனார்கள் (இந்தியா டுடே, 5 மே 2025). அவர்கள் உணவிற்காக பசியால் வாடவில்லை. ஆனால், திருமண விருந்தில் முதலில் உணவு உண்ணும் நபராக இருப்பதற்காக போட்டியிட்டனர். இனி அவர்கள் எங்கும், எதையும், எப்போதும் உண்ண உயிரோடு இல்லை. உடல் ரீதியாக வாழ்விற்குத் தேவையானது தான் உணவு. ஆனால் அது உயிர், தேவனுடைய வார்த்தை, மற்றும் உரிமைகள் என்பவற்றை இழப்பதற்கான நிலையில் இருக்க கூடாது.
ஜீவன்:
கர்த்தராகிய இயேசு, உயிர் என்பது உணவைக் காட்டிலும் முக்கியம் என்று சொன்னார் (லூக்கா 12:23). டேவிட் குசிக் கூறுகிறார்: “பேராசையும் கவலையும் ஒன்றோடு ஒன்று சம்பந்தப்பட்டவை. பேராசைக்கு எப்போதும் எதுவுமே போதாது; கவலைப்படுபவன் ஒருபோதும் போதும் என நினைக்க மாட்டான்; இருவரும் இயேசுவை நோக்கிப் பார்ப்பதில்லை.”
பேராசையோ கவலையோ உடையவர்களுக்கு, கர்த்தர், உயிரே உணவைக் காட்டிலும் முக்கியம் என்று கற்பித்தார். ஒருவன் உணவிற்காக மட்டுமே வாழ்ந்தால், அவன் மிருகம்போல் தாழ்ந்து விடுவான்.
தேவனுடைய வார்த்தை:
கர்த்தராகிய இயேசுகிறிஸ்து, தமது ஊழியத்தை நாற்பது நாட்களும் நாற்பது இரவுகளும் உபவாசமிருந்து தொடங்கினார். உபவாசம் முடிந்தபின், சாத்தான், “நீ தேவனுடைய குமாரன் என்றால், இந்தக் கற்களை அப்பமாக்கி உண்ணலாம்” என்று சவால் விட்டான்.
கர்த்தர், தனிப்பட்ட தேவைக்காக அதிசயம் செய்ய மறுத்தார். அதற்கு பதிலாக வேதாகம வசனத்தை மேற்கோள் காட்டினார்; “மனுஷன் அப்பத்தினால் மட்டுமல்ல, கர்த்தரின் வாயிலிருந்து வரும் ஒவ்வொரு வார்த்தையாலும் பிழைக்கிறான்” (உபாகமம் 8:3; மத்தேயு 4:4).
உரிமைகள்:
ஏசாவுக்கு, முதற்பிறந்தவரின் உரிமைகள் உணவைக் காட்டிலும் முக்கியமானவை என்பதைப் புரியவில்லை. அதனால், அவன் தம்பியான யாக்கோபால் எளிதில் ஏமாற்றப்பட்டான். வேட்டையாடி வந்து சோர்ந்திருந்தான், ஆனால் உயிரிழப்பதற்கான நிலையில் இல்லை. இருந்தும், “நான் சாகிறேன்” என்று சொல்லி, முதற்பிறந்தவரின் உரிமைக்கு மதிப்பு இல்லை என எண்ணினான். ஒரு முறை மட்டுமுள்ள ஒரு உணவுக்காக, தன் பிறப்புரிமையை விற்றுவிட்டான் (ஆதியாகமம் 25:29-34).
இன்றும், பலர் உணவிற்காகவும், உலக வாழ்க்கைக்காகவும் தங்கள் உரிமைகளை இழந்து விடுகிறார்கள். பாவிகளுக்குத் தேவன் கொடுத்துள்ள மிக உயர்ந்த உரிமை, உயிருள்ள தேவனுடைய பிள்ளையாக ஆகும் வாய்ப்பு தான் (யோவான் 1:12).
என் வாழ்க்கையில் சரியான மதிப்புகளும் முன்னுரிமைகளும் உள்ளனவா?
Rev. Dr. J.N. Manokaran