மனிதர்கள் மட்டுமே செய்யக்கூடிய பல பணிகளை செய்யக்கூடிய வகையில் ரோபோக்களை வடிவமைத்து, கணினிகளை பயிற்றுவிக்கும் ஒரு நிபுணர் பொறியாளர் ஒருவர் இருக்கிறார்.
அந்த ரோபோக்கள் குறிப்பிட்ட பணிகளைச் செய்யும்படி வடிவமைக்கப்பட்டவை; அவற்றுக்கு அந்த வரம்புக்குள் மட்டுமே ஒரு கட்டுப்படுத்தப்பட்ட சுதந்திரம் கொடுக்கப்படுகிறது. ஆனால் முழுமையான சுதந்திரம் ரோபோக்களுக்கு கொடுக்க முடியாது என்றும், அது சாத்தியமல்ல என்றும் அவர் கூறுகிறார். நீரில் இருந்தால்தான் உயிருடன் இருக்க முடியும் என்ற மீன்களைப் போல, கணினியும் அதை வடிவமைத்த பொறியாளர் விதித்த எல்லைகளுக்குள் மட்டுமே செயல்பட முடியும். ஆனால் தேவன் மனிதரை தமது சாயலில் (Image) உருவாக்கி, தேர்வு செய்யும் சுதந்திரத்தையும் அவர்களுக்கு அளித்தார் (ஆதியாகமம் 1:27; 2:17).
மனித அறிவை விஞ்ச முடியுமா?
சில செயல்களை செயற்கை நுண்ணறிவு (AI) மிகச் சிறப்பாகவும், ஒழுங்காகவும், தொடர்ச்சியாகவும் செய்ய முடியும். ஆனால் அவை அனைத்தும், அதை உருவாக்கிய பொறியாளர் வடிவமைத்து, வழிநடத்தும் விதத்திற்குள் மட்டுமே நடைபெறுகின்றன. உதாரணமாக, ஒரு ATM இயந்திரம் 40 பணத்தாள்களை எண்ண முடியும்; அதற்கு மேல் எண்ண முடியாது.
அல்லது பணத்தாள்களின் அளவு மாறினால், அவற்றை எண்ண முடியாது. அதனால், அந்த இயந்திரத்துக்கு உள்ள “சுதந்திரம்” என்பது, அந்த 40 எண்ணிக்கைக்குள் மட்டுமே தெரிவு செய்வதாகும்.
உணர்ச்சிகள் (Emotions):
AI-க்கு தயவு, அன்பு, இரக்கம் போன்ற உணர்ச்சிகளை வெளிப்படுத்த முடியாது. இதயம் இல்லாததால், மனிதர்களைப் போல உணர்ச்சிகளை அனுபவிக்கவோ, வெளிப்படுத்தவோ முடியாது.
நெறிமுறை (Morality):
ரோபோக்களுக்கு எது சரி, எது நல்லது என்ற கருத்து இல்லாததால், அவற்றால் தார்மீக முடிவுகளை எடுக்க முடியாது. இந்த ரோபோக்கள் நெறிமுறையற்ற மற்றும் சட்டவிரோதமான வேலைகளைச் செய்யும்படி வடிவமைக்கப்படலாம்.
ஆவிக்குரிய நிலை (Spirituality)::
செயற்கை நுண்ணறிவு, குறைந்த அறிவைக் கொண்ட வீழ்ச்சியடைந்த மனிதர்களின் சாயலில் உருவாக்கப்படலாம். நிச்சயமாக, மனிதர்களால் ரோபோக்களின் நாசி வழியாக சுவாசத்தை ஊதி, அவற்றை உயிருள்ள ஆத்துமாக்களாக மாற்ற முடியாது.
மனிதர்கள் ரோபோக்கள் அல்ல:
சிலர் மனிதர்களை தேவன் உருவாக்கிய ரோபோக்களைப் போலவே எண்ணுகிறார்கள்.
தேவன் மனிதர்களை முழுமையாகக் கட்டுப்படுத்துகிறார் என்றும், மனிதன் செய்யும் அனைத்தும் தேவன் செய்கிற செயல்களே என்றும் தவறாக நம்புகிறார்கள்.
இதனால் மனிதனுக்கு தனிப்பட்ட தீர்மானம் எடுக்க எந்த திறனும் இல்லை என்று நினைக்கிறார்கள்; இது மிகவும் தவறான கருத்து.
தேவனின் சாயல் (Image of God):
தேவன் மனிதரை தமது சாயலில் உருவாக்கினார். அதாவது, தேவனுடைய சில குணங்களையும் திறன்களையும் மனிதனுக்கு அளித்தார். அவை;
தேவனோடு தொடர்பு கொள்ளும் திறன், படைப்பாற்றல், அறிவு, உணர்ச்சிகள், விமர்சன சிந்தனை, காரணம் கூறும் திறன், முடிவு எடுக்கும் அதிகாரம் என ஒரு மனிதன் தனது வாழ்க்கையைப் பற்றி தீர்மானிக்கிறான். அதன் உச்சமான தீர்மானம் கர்த்தராகிய இயேசு கிறிஸ்துவை இரட்சகராகவும் ஆண்டவராகவும் ஏற்றுக்கொண்டு, பரலோக வாழ்வைத் தேர்வு செய்வதாகும்.
என்னைத் தமது சாயலில் உருவாக்கிய தேவனை நான் ஆராதிக்கிறேனா?
Rev. Dr. J.N. Manokaran