வாழ்ந்து காட்டு தோழா/தோழி!

உணர்வுகளை
அடக்கிக்கொண்டு
கோழையாய் 
வாழவேண்டுமா?
உரிமைகளை
முடக்கிக்கொண்டு
ஏழையாய் 
சாகவேண்டுமா?

மங்கியது 
போதும் தோழா/தோழி!
பொங்கி எழுந்திடு
ஏங்கியது 
போதும் தோழா/தோழி!
ஓங்கி உயர்ந்திடு

வளமை 
அழிந்துவிட்டால்
மீண்டும் செழித்திடுமா?
இளமை 
துவண்டுவிட்டால்
மீண்டும் விழித்திடுமா?

காத்தது 
போதும் தோழா/தோழி!
உன் உரிமைக்காக போராடு
பார்த்தது 
போதும் தோழா/தோழி!
உன் வளமைக்காக வாதாடு

எத்தனை 
பாடுகள் அனுபவித்தாய்
உன் வளர்ச்சிக்காக!
எத்தனை 
கேடுகள் அனுசரித்தாய்
உன் மலர்ச்சிக்காக!

தாங்கியது 
போதும் தோழா/தோழி!
உன் உறவுக்காக போராடு
தூங்கியது 
போதும் தோழா/தோழி!
உன் வரவுக்காக வாதாடு

எவ்வளவு 
பசிதாகமும் பரிகாசமும் 
அடைந்தாய் உன் முடிவுக்காக!
எவ்வளவு 
நிந்தையும் கந்தையும் 
அணிந்தாய் உன் விடிவுக்காக!

பொறுத்தது 
போதும் தோழா/தோழி!
உன் உயர்வுக்காக போராடு
மறுத்தது 
போதும் தோழா/தோழி!
உன் உயிருக்காக வாதாடு

வாழ்ந்து காட்டு தோழா/தோழி!
வளர்ந்து காட்டு தோழா/தோழி!! 

Author . Rev. M. Arul Doss