ஒரு குடும்பம் கிறிஸ்துவின் ஊழியத்தில் ஈடுபட்டிருந்தது. அவர்களைத் தாக்கவும், சபைக் கட்டிடத்தை இடிக்கவும், ஒரு கூட்டத்தை திரட்ட சிலர் பணம் கொடுத்து ஏற்பாடு செய்தனர். அந்த இரவு, கட்டுப்பாடற்ற மக்கள் கூட்டம், அதில் போதகரின் சில உறவினர்களும் உட்பட சிலர் வந்து குடும்பத்தினரை தாக்க ஆரம்பித்தனர். உயிர் தப்பிக்க அவர்கள் காட்டு பகுதியில் ஒளிந்துகொண்டனர். பின்னர், வாகனங்கள் எரிக்கப்பட்டன; சபைக் கட்டிடம் இடிக்கப்பட்டது. அந்த கலவரத்தில் சிலர் காயமடைந்து, இடிபாடுகளுக்குள் சிக்கியதால் பின்னர் மரணமடைந்தனர். காவல்துறை அந்த பகுதியை முடக்கியது. மூன்று வயது குழந்தையுடன் இருந்த அந்த விசுவாசக் குடும்பம் மூன்று நாட்கள் உணவும் தண்ணீரும் இன்றி தவித்தது.
ஆனால், பத்தாண்டிற்குப் பிறகு, அக்கும்பலில் இருந்தவர்களில் நாற்பது வயதுகூட நிரம்பாத பதினொரு பேர் உயிரிழந்திருந்தனர்; மற்றொருவர் மனநலம் பாதிக்கப்பட்டவரானார். வருந்தத்தக்க விஷயம் என்னவென்றால், இத்தகைய வன்முறைச் செயல்களில் ஈடுபட்டிருந்த மற்றவர்கள் இன்றும் இருளிலும் விரக்தியிலும் வாழ்ந்து வருகின்றனர். அந்தத் திருச்சபை தற்போது அதிக மக்களை உள்ளடக்கக்கூடிய வகையில் மீண்டும் கட்டப்பட்டுள்ளது; பல கிராமங்களுக்கு சேவை செய்யும் அந்த ஊழியம் இன்று பன்னிரண்டு கிளை சபைகளாக விரிந்துள்ளது. அந்தக் கூட்டத்தில் இருந்த பலர் மனந்திரும்பி, கர்த்தராகிய இயேசு கிறிஸ்துவை ஏற்றுக்கொண்டு, இப்போது அந்தச் சபைகளின் உறுப்பினர்களாக உள்ளனர்.
தேவனுடைய தீர்க்கதரிசனம் (Prophecy):
பாதாளத்தின் வாசல்கள் ஒருபோதும் திருச்சபையை மேற்கொள்ள முடியாது. சாத்தானின் சீற்றமோ, தாக்குதலோ அல்லது அவனது கொடூரமான வன்முறை வெறியாட்டமோ ஒருபோதும் திருச்சபையை அழிக்கவோ, இடித்துத் தள்ளவோ முடியாது. தேவனுடைய குமாரனே திருச்சபையைக் கட்டுகிறார்; அவருடைய திருச்சபையை அழிக்க முயல்பவர் எவரும் பிழைத்திருக்க முடியுமா? (மத்தேயு 16:18)
தேவனுடைய வாக்குத்தத்தம்: (Promise):
எகிப்தியப் பார்வோனின் தாக்குதலையும், தேர்களில் விரைந்து வந்த அவனது படையையும் கண்டு அஞ்சிய செங்கடலின் கரையோரத்தில் நின்ற இஸ்ரவேல் மக்களிடம், மோசே வாயிலாக தேவன் இவ்வாறு பேசினார்: "இன்று நீங்கள் காணும் எகிப்தியர்களை, இனி ஒருபோதும் நீங்கள் காணமாட்டீர்கள்" (யாத்திராகமம் 14:13). திருச்சபையைத் துன்புறுத்தியவர்களைத் தேடினாலும் கூட, அவர்களைக் கண்டடைய முடியாத நிலை ஏற்படும்.
தேவனுடைய நியாயத்தீர்ப்பு (Judgement):
இஸ்ரவேலின் மதத் தலைவர்கள், மூலைக்கல்லாகிய மேசியாவை (கிறிஸ்துவை) நிராகரித்தனர். இன்றும் கூட, கலாச்சாரம், வேற்றுநாட்டவர் என்ற எண்ணம், தேசியவாதம், இனப்பெருமை, மரபுகள், சடங்குகள் மற்றும் முன்னோர்களின் வழிமுறை போன்ற அற்பமான காரணங்களுக்காக மக்கள் கர்த்தராகிய இயேசு கிறிஸ்துவை நிராகரிக்கின்றனர். இரட்சிப்பின் கற்பாறையாகிய கர்த்தராகிய இயேசு கிறிஸ்து இவ்வாறு கூறினார்: “மேலும், இந்தக் கல்லின்மேல் விழுகிறவன் நொறுங்கிப்போவான்; இது எவன்மேல் விழுகிறதோ, அவனை நசுக்கிப்போடும்” (மத்தேயு 21:44).
திருச்சபையைத் துன்புறுத்துபவர்களைக் கண்டு நான் அஞ்சுகிறேனா?
Rev. Dr. J.N. Manokaran