யாக்கோபு ஒரு தனித்தன்மையான வாழ்க்கையைக் கொண்டிருந்தார் என்றே சொல்ல வேண்டும். அவர் அமைத்த நான்கு தூண்களிலிருந்து அவரது ஆவிக்குரியப் பயணத்தை புரிந்து கொள்ள முடியும்.
வெளிப்படுத்துதலின் தூண்:
யாக்கோபு ஈசாக்கின் சம்மதத்துடன் ரெபெக்காளால் புத்திசாலித்தனமாக அனுப்பப்பட்டான். முதல் நாள் மாலையில், அவன் ஒரு கல்லை எடுத்து அதைத் தூணாக்கி தூங்கும்போது, அவனுக்கு ஒரு தரிசனம் கிடைத்தது. வானம் திறந்தது, ஒரு ஏணி வானத்தை நோக்கி இருந்தது, தேவதூதர்கள் ஏறி இறங்கிக் கொண்டிருந்தார்கள் (ஆதியாகமம் 28:18). தேவன் தன்னை உடன்படிக்கை மற்றும் வாக்குறுதியின் தேவனாக வெளிப்படுத்தினார்.
பிரிவின் தூண்:
யாக்கோபு, அவனது மனைவிகள் மற்றும் அவனது குழந்தைகள் லாபானிடமிருந்து பிரிக்கப்பட வேண்டியிருந்தது (ஆதியாகமம் 31:45). முதலில், யாக்கோபுக்கும் லாபானுக்கும் பொதுவான மூதாதையர்கள் இருந்தபோதிலும், அவர்கள் குடும்பத்தின் இரண்டு வெவ்வேறு கிளைகளாகப் பிரிக்கப்பட்டனர். தேவன் யாக்கோபைத் தன் குடும்பத்திற்குத் திரும்பிச் செல்லும்படி கட்டளையிட்டார் (ஆதியாகமம் 31:13). இரண்டாவதாக, அவர்கள் விசுவாசத்தினால் பிரிந்துக் காணப்பட்டார்கள். யாக்கோபு ஈசாக்கின் மீதுள்ள பயத்தால் சத்தியம் செய்தது போல, லாபான் ஆபிரகாம், நாகோர் மற்றும் தேராகின் தேவனை வைத்து ஆணையிட்டார். மூன்றாவதாக, யாக்கோபுக்கு தேவ தரிசனம், வழிகாட்டுதல் மற்றும் ஆலோசனை இருந்தது. சீஷர்களாக, தேவன் அவர்களை விசுவாசம், தரிசனம் மற்றும் அழைப்பு காரணமாகப் பிரிந்து இருக்க அழைக்கிறார்.
மாற்றத்தின் தூண்:
யாக்கோபுக்கு தனது பழைய சரீர இயல்பில் சிக்கல் இருந்தது. பவுல் சீஷர்களை பழைய மனிதனையோ அல்லது இயல்பையோ களைந்துவிட்டு புதிய மனிதனையோ அல்லது இயல்பையோ அணிந்துகொள்ள அழைக்கிறார் (எபேசியர் 4:22-23). ஒரு நபரின் வாழ்க்கையில் தேவனின் கிரியைச் செய்யப்படும்போது, பவுலுடன் சேர்ந்து 'இனி நான் அல்ல, கிறிஸ்து என்னில் வாழ்கிறார்’ என தைரியமாக அறிவிக்க முடியும் (கலாத்தியர் 2:20). இஸ்ரவேலாக மாறுவதற்கு தேவன் யாக்கோபின் வாழ்க்கையில் கிரியைகளை நடப்பிக்க வேண்டியிருந்தது. யாக்கோபு ஞாபகத்தூணை நிறுவுவதன் மூலம் ஒப்புக்கொண்டான்; "தேவன் என்னை இஸ்ரவேல் என்று அழைத்தார், நானும் அப்படித்தான்" (ஆதியாகமம் 35:14).
உயிர்த்தெழுதலின் தூண்:
நான்காவது தூண் விசுவாசத்தின் வெற்றியைக் குறிக்கிறது (ஆதியாகமம் 35:20). அந்தத் தூண், அவனுடைய விலையேறப்பெற்ற நபரான ராகேல் இங்கே இறந்தாள் என்றும், பென்யமீன் பிறந்தான் என்றும் அறிவித்தது. ராகேல் அவனை பெனோனி, என் துக்கத்தின் மகன் என்று அழைத்தாள். ஆனால் யாக்கோபு அவனை பென்யமீன் அதாவது என் வலது கை, என் கெளரவம், என் ஆற்றல் மற்றும் மகிமை என்று அழைத்தான். இது சிலுவையின் அடையாளமாகும். கர்த்தர் துக்கத்தின் மனிதன் என்று அழைக்கப்பட்டார், அவர் மரித்து பிதாவின் வலது பக்கத்தில் அமர்ந்திருக்க மீண்டும் உயிர்த்தெழுந்தார் (எபிரெயர் 10:12).
எனது ஆவிக்குரிய பயணத்தில் இந்த முறையை நான் காண்கிறேனா?
Rev. Dr. J.N. Manokaran