கிறிஸ்துமஸ் குறித்து பல தவறான கருத்துக்கள் நிலவுகின்றன. உண்மையில், தேவன் இயேசு கிறிஸ்துவில் மனிதராக வந்து, மனிதகுலத்தின் மீட்புக்கான வழியை ஏற்படுத்தினார்.
கற்பனை (Myth):
உலகத்தில் பல கற்பனைக் கதைகளும் புராணங்களும் உள்ளன. அவற்றில் பெரும்பாலானவை மத சம்பந்தப்பட்டவையாகவும், சில அரசியல் சார்ந்தவையாகவும் இருக்கின்றன. அவை உண்மையல்ல; இருப்பினும் சிலர் அவற்றை உண்மையாகவே நம்புகின்றனர். கற்பனைகளின் உண்மைத்தன்மைக்கு எந்த ஆதாரமும் இல்லை. மனிதர்கள் பலவிதமான கற்பனைகளை உருவாக்கும்படி, தேவன் அவர்களுக்கு கற்பனை சக்தியை அளித்துள்ளார்.
உவமை (Metaphor):
பலருக்குக் கிறிஸ்துமஸ் ஒரு பாரம்பரிய நிகழ்வாக மட்டுமே உள்ளது. கிறிஸ்துமஸுடன் தொடர்புடைய அலங்காரங்களும் சடங்குகளும் உவமைகளாகக் கருதப்படுகின்றன. கிறிஸ்துமஸ் மரம் - நம்பிக்கையின் உவமை; கிறிஸ்துமஸ் பாடல்கள் - மகிழ்ச்சியின் உவமை; கிறிஸ்துமஸ் மெழுகுவர்த்திகள் - இருளில் ஒளியை குறிக்கின்றன. பரிசுகள் - பகிர்வையும், ஏழைகளின் மேல் அக்கறையையும் வெளிப்படுத்துகின்றன. விருந்தோம்பல் - பெருக்கத்தையும், உபசரிப்பையும் குறிக்கிறது. சிலருக்கோ, கிறிஸ்துமஸ் என்பது வருடம் முழுவதும் இருந்த பரபரப்பிற்குப் பின் கிடைக்கும் ஒரு புத்துணர்ச்சியான ஓய்வாகும்.
மர்மம் (Mystery):
சிலர் கிறிஸ்துமஸ் ஒரு மர்மம் என்று நம்புகின்றனர். முதல் கிறிஸ்துமஸைப் பற்றிய உறுதியான ஆதாரம் இல்லை என அவர்கள் கருதுகின்றனர். அதே நேரத்தில், அதைக் கற்பனை என்றும் நிராகரிக்க விரும்பாமல், மனித அறிவிற்கு அப்பாற்பட்ட ஒரு மர்மமாகவே ஏற்றுக்கொள்கிறார்கள்.
துயரம் (Misery):
சிலருக்கு, குறிப்பாக ஏழை கிறிஸ்தவ குடும்பங்களில் இருப்பவர்களுக்கு, கிறிஸ்துமஸ் ஒரு துயரமான காலமாகத் தோன்றுகிறது. குடும்பம், சக கிறிஸ்தவர்கள், சமூகத்தினர் ஆகியோரிடமிருந்து வரும் எதிர்பார்ப்புகளை நிறைவேற்ற முடியாத நிலை. புதிய உடை, கேக் அல்லது வீட்டுக்கான அலங்காரங்களை வாங்க இயலாத சூழல். மேலும் சிலர் மித மிஞ்சிய நீதிமான்களாக, “உலகம் முழுவதும் இவ்வளவு கஷ்டங்கள் இருக்கும்போது, நாம் கிறிஸ்துமஸ் கொண்டாட வேண்டுமா?” என்று கேட்கின்றனர்.
அதிசயம் (Miracle):
கிறிஸ்துமஸ் ஒரு அதிசயம். தூதன் காபிரியேல், கன்னி மரியாளுக்கு தேவனுடைய செய்தியை அறிவித்தார். தேவகுமாரன் மனிதராக அவதரிக்க வேண்டிய கருவியாக அவள் தேர்ந்தெடுக்கப்பட்டாள். அதிசயமான கர்ப்பம், தீர்க்கதரிசி மீகா முன்கூறியபடி பெத்லகேமில் நிகழ்ந்த பிறப்பு இவை அனைத்தும் உண்மையான அதிசயங்கள்.
மேய்ப்பர்களுக்கு தேவதூதர்கள் இந்த நற்செய்தியை அறிவித்தனர். கிழக்கிலிருந்த ஞானிகள் இந்த புதிதாகப் பிறந்த ராஜாவை வணங்க வந்தார்கள். அவர் இம்மானுவேல் அதாவது தேவன் நம்மோடு இருக்கிறார். அவர் அற்புத ஆலோசகர், வல்லமையுள்ள தேவன், நித்திய பிதா, சமாதானத்தின் பிரபு என்று அழைக்கப்படுகிறார் (ஏசாயா 9:6).
அவரை ஏற்றுக்கொள்வதன் மூலம் நான் கிறிஸ்துமஸின் அற்புதத்தை அனுபவித்திருக்கிறேனா?
Rev. Dr. J.N. Manokaran