ஒரு மின்னஞ்சல் அனுப்பப்படும் போது, சரியான மின்னஞ்சல் ஐடி இல்லை என்றால், அது சென்றடையாது மற்றும் அனுப்பியவருக்கே திரும்பி விடும். ஆக, பெறுநரின் முகவரி இல்லாமல் அஞ்சல் அல்லது கூரியர் அனுப்ப முடியாது. அதுபோல தேவக் கட்டளைப்படி ஜெபம் செய்யப்படாதபோது, அவை நிராகரிக்கப்படுகின்றன. ஜெபத்தின் நான்கு கோட்பாடுகள் இங்கே கொடுக்கப்பட்டுள்ளது.
கேளுங்கள்
கேளுங்கள், அது உங்களுக்குக் கொடுக்கப்படும் (மத்தேயு 7:7). ஒரு விசுவாசி தேவையைப் பகுத்தறிந்து, அதற்கு தேவனைச் சார்ந்திருப்பதை வெளிப்படுத்தும் மனத்தாழ்மையைக் கொண்டிருக்க வேண்டும், மேலும் நம் ஜெபங்களுக்கு தேவன் பதிலளிக்கிறார் என்று விசுவாசிக்க வேண்டும். பரிசுத்தவான்கள் கேட்காததால் பெறுவதில்லை. அறியாமை, சோம்பல், அசட்டை, பகுத்தறிவின்மை போன்ற காரணங்களால் ஒருவேளை அவர்கள் கேட்கவில்லை.
அவர் நாமத்தில் கேளுங்கள்
எல்லா ஜெபங்களும் நம்முடைய கர்த்தரும் இரட்சகருமான இயேசு கிறிஸ்து மட்டுமே மத்தியஸ்தராக இருப்பதால் அவருடைய நாமத்தில் கேட்க வேண்டும் (யோவான் 14:13; 1 தீமோத்தேயு 2:5). சிலர் இறந்தவர்களிடம் கேட்க விரும்புகிறார்கள், அதாவது மரித்த கன்னி மரியாள், அப்போஸ்தலர்கள் மற்றும் வாழும் தொலைக்காட்சி நற்செய்தி அறிவிப்பாளர்கள் என சிலர் புனிதர்களாக கருதப்படுகிறார்கள். உயிருள்ள அல்லது இறந்த புனிதர்கள் மூலம் செய்யப்படும் ஜெபங்களுக்கு பதில் இல்லை. ஆம், தேவ பிள்ளைகளாகிய நாம் மற்றவர்களுக்காக ஜெபிக்கலாம், ஆனால் அவர்கள் மத்தியஸ்தராக முடியாது.
தீய எண்ணம் இல்லாமல் கேளுங்கள்
தவறான நோக்கங்களோடு நீங்கள் கேட்பதால், நீங்கள் கேட்கிறபோது எதையும் பெறுவதில்லை. சொந்த இன்பத்தில் திளைக்கும் வகையில் நீங்கள் கேட்கிறீர்கள் என்று அப்போஸ்தலனாகிய யாக்கோபு எழுதுகிறார், ஏனென்றால் அவர்களின் உந்துதலும் எண்ணமும் நீதியானவை அல்லது சரியானவை அல்ல (யாக்கோபு 4:3). தேவன் பாரபட்சம் காட்டுவதில்லை. அவர் எல்லா மனிதர்களுக்கும் நீதியுள்ள தேவன். மற்றவர்களை துன்புறுத்தவோ அல்லது ஒடுக்கவோ செய்யும் ஜெபங்களுக்கு, அவர் விசுவாசிகளின் பக்கமாக சாய்வதில்லை. நம்மை எதிர்ப்பவர்களை பொல்லாதவர்களை பழிவாங்க தான் தேவன் நம்முடன் இருக்கிறார் என்று நினைப்பது ஊகமும் தவறான நம்பிக்கையும் ஆகும். தீய நோக்கத்துடன் பழிவாங்கும் இத்தகைய ஜெபங்களுக்கு பதில் கிடைக்காது.
அவருடைய சித்தப்படி கேளுங்கள்
கர்த்தராகிய ஆண்டவரின் சீஷர்களுக்கு ஆவிக்குரிய பகுத்தறிவும் முதிர்ச்சியும் இருக்க வேண்டும் (1 யோவான் 5:14-15). அவர்கள் தேவ சித்தம், திட்டம் மற்றும் நோக்கம் ஆகியவற்றை அறிந்திருக்க வேண்டும். தேவ சித்தம் மகிழ்ச்சியானது, நல்லது மற்றும் சரியானது (ரோமர் 12:2). தேவனுடைய சித்தத்தைப் பகுத்தறிவது ஒரு ஆவிக்குரிய ஒழுக்கம். முதிர்ச்சியடையாத சீஷர்கள், தேவனுடைய வார்த்தையைப் படித்து, தியானிக்காதவர்கள், தேவனின் சித்தத்தை அறிய முடியாது.
எனது ஜெப வாழ்க்கை எப்படி இருக்கிறது?
Author: Rev. Dr. J .N. மனோகரன்
Rev. Dr. J.N. Manokaran